O patrimonio de Santa Comba
Iglesia parroquial de San Cristivo de Mallón
Templo dos séculos XIII e XIX, de estilo románico. Ao igual que outras do mesmo arciprestado, esta igrexa está enclavada nun contorno rural de terras de labranza, formando un conxunto referencial completado polo cemiterio e o adro, este último circundado por un muro de pedra.
A capela maior é o elemento arquitectónico máis antigo do conxunto. De planta de salón e rectangular, cóbrese con bóveda de canón reforzada por un arco de medio punto, lixeiramente apuntado e dobrado. Este marca a transición litúrxica entre os dous espazos do interior, o presbiterio e a nave. Ambos arcos apóianse sobre capiteis con decoración vexetal. A sancristía aparece, como é habitual, apegada ó muro norte. A fachada está construída en cachotaría con cantería nas esquinas e nos vans. Expón un remate graduado de forma crecente, e alcanza o seu cénit nun pavillón de planta cadrada coroado por un chapitel. Esta fachada evoca propostas da arquitectura civil de finais do século XIX.
